სულგუნის ტრადიცია საქართველოში არამატერიალური კულტურული მემკვიდრეობის ძეგლის სტატუსი მიენიჭა, შესაბამისი ბრძანება საქართველოს კულტურული მემკვიდრეობის დაცვის ეროვნული სააგენტოს გენერალური დირექტორმა გამოსცა.
„მიენიჭოს არამატერიალური კულტურული მემკვიდრეობის ძეგლის სტატუსი არამატერიალური კულტურული მემკვიდრეობის ელემენტს – „სულგუნის ტრადიცია საქართველოში“ - აღნიშნულია 2 ნოემბრის ბრძანებაში.
მომზადების წესები:
სულგუნის მოსამზადებლად უმარილო, ჭყინტი ყველი დაგვჭირდება. ყველი დავჭრათ 1-2 სმ სისქის ნაჭრებად. დიდ ქვაბში გავაცხელოთ წყალი 80-90 გრადუსამდე, ანუ ადუღებამდე მივიყვანოთ, მაგრამ არ ავადუღოთ. ცეცხლს მინიმუმამდე დავუწიოთ.
ჩავყაროთ ყველის ნაჭრები და დავიწყოთ მორევა ხის კოვზით, ერთი მიმართულებით. როცა ყველი ბოლომდე დარბილდება და გაიწელება ცეცხლიდან გადმოვიღოთ. ამოვიღოთ ყველი კოვზით ან ნიჩბით და დავიწყოთ ერთმანეთზე ფენა-ფენა დადება, თან მრგვალი ფორმაც მივცეთ. სულგუნის თავი გადადუღებულ ცივ წყალში ჩავდოთ 10-15 წუთი, შემდეგ კი საწურზე დავდოთ ზედმეტი სითხისგან დასაწურად.
ამის შემდეგ ყველი გამოყენებისთვის მზადაა. შეგვიძლია მარილი მოვაყაროთ ან უმარილოდ გამოვიყენოთ. ასევე შეიძლება მისი წათხში შენახვა. პატარა თავების გაკეთება უფრო მოსახერხებელი და მარტივია.
1
.jpg)
s
s
s