21, ნოემბერი 2020 21:25:00
პოლიტიკურ რინგზე მარტო დარჩენილები, ანუ კონკურენცია ბოიკოტის პირობებში. ვის დამარცხებას ცდილობდა დღეს მმართველი გუნდი არჩევნების მეორე ტურში, როცა არც ერთი პოლიტიკური სუბიექტი კენჭისყრაში არ მონაწილეობდა? ვნახოთ სიუჟეტი
არჩევნების მეორე ტურზე საარჩევნო კომისიები ოპოზიციის წარმომადგენლების გარეშე მუშაობდნენ. პროცესს არც მესამე სექტორის წარმომადგენლები აკვირდებოდნენ. კენჭისყრა იმითაც გამოირჩეოდა, რომ თითქმის ყველა უბანზე ამომრჩეველთა დაბალი აქტივობა იყო.
ბათუმის მეთორმეტე საარჩევნო უბანზე დარღვევების შესახებ საჩივარი არ დაწერილა. უბნის თავჯდომარე ფიქრობს, რომ ამომრჩეველთა დაბალი აქტივობა უამინდობამ განაპირობა.
ბათუმის 104-ე საარჩევნო უბნის თავმჯდომარის მოადგილე კი აღიარებს, რომ დაბალი აქტივობა, სწორედ ოპოზიციის ბოიკოტმა გამოიწვია. ხმის მისაცემად, როგორც ფატი ბუაძე ამბობს, უბანზე მხოლოდ ქართული ოცნების ელექტორატი გამოცხადდა.
მეორე ტურის ჩატარება მას შემდეგ გახდა აუცილებელი, როდესაც თავის ოლქში ვერცერთმა კანდიდატმა ვერ მიიღო ხმების ნახევარზე მეტი 31 ოქტომბრის არჩევნებზე. ქვეყანაში 2 მილიონ 140 ათას 210 ამომრეველია რეგისტრირებული.