არჩევნები დასრულდა. რამდენიმე საათში კი საბოლოო შედეგებს გავიგებთ. კენჭისყრას რომ ოპოზიციამ ბოიკოტი გამოუცხადა, არახალია, შესაბამისად, ხელისუფლების ოპონენტებს არც იმ მონაცემების სანდოობის სჯერათ, რომელსაც მხოლოდ მმართველი გუნდის დამკვირვებლები აჯამებენ.
არჩევნების მეორე ტურს, რომ ბოიკოტს გამოუცხადებდნენ, ოპოზიციური პარტიის წარმომადგენლები 31 ოქტომბრის შედეგების გამოცხადებისთანავე ამბობდნენ. ნათქვამი შეასრულეს კიდეც. დღეს, ყველა საარჩევნო უბანზე, კენჭისყრის პროცესი, ხელისუფლების ოპონენტების წარმომადგენლების გარეშე მიმდინარეობდა, რაც იმას ნიშნავს, რომ არჩევნების შედეგებს მხოლოდ „ქართული ოცნების“ დამკვირვებლები შეაჯამებენ.
რამდენად სანდო იქნება შედეგი, რომელიც კენჭისყრის დასრულების შემდეგ გამოქვეყნდება? „ერთიან ნაციონალურ მოძრაობაში“ სანდოობაზე საუბარი უჭირთ, რადგან მათივე თქმით, ქვეყანაში არჩევნები დემოკრატიული პრინციპით არ ტარდება. მირდატ ქამადაძის განმარტებით, დღევანდელ კენჭისყრას არსებითი მნიშვნელობა არ აქვს, რადგან საბოლოო შედეგი და დემოკრატიულობის რეალური სახე „ქართულმა ოცნებამ“ 31 ოქტომბერს აჩვენა.
პარტიაში „ალეკო ელისაშვილი-მოქალაქეები“ დღევანდელ დღეს უპრეცედენტოდ მიიჩნევენ. გიორგი მასალკინის განმარტებით, რომელიც 2020 კენჭისყრაში ბათუმის სახელით, მანდატის მოსაპოვებლად აჭარის უმაღლესი საბჭოში იბრძოდა, ამბობს, რომ ქვეყნის ისტორიაში ეს პირველი შემთხვევაა, როცა არჩევნები ერთპარტიულად ტარდება.
„ევროპულ საქართველოში“ ფიქრობენ, რომ „ქართულმა ოცნებამ“ მიზანს, გაეყალბებინა არჩევნები, უკვე მიაღწია. რაც შეეხება კენჭისყრის მეორე ტურის შედეგებს, თემურ კახიძის თქმით, მმართველ გუნდს დღეს, გამარჯვების იმავე მეთოდებით მოპოვება არ დასჭირდება, რადგან ამ ბრძოლაში მარტოა.
რა შედეგით დასრულდება კენჭისყრის მეორე ტური ჯერ უცნობია, თუმცა ფაქტია, რომ მმართველი გუნდი უკონკურენტო ბრძოლაში იყო.
7
s
s
s