24, ნოემბერი 2020 17:32:00
COVID-19 -თან დაკავშირებული რეგულაციების შესრულების მონიტორინგს ბათუმის მუნიციპალური ინსპექცია ყოველდღიურ რეჟიმში ახორციელებს. მოწმდება ღია და დახურული საჯარო სივრცეები. ახალი რეგულაციის შესაბამისად, ღია საჯარო სივრცეში პირბადის გარეშე გადაადგილებისთვის 300-მდე პირი დაჯარიმდა. აქტიურად მიმდინარეობს მუნიციპალური ავტობუსებისა და მიკროავტობუსების მონიტორინგიც. საზოგადოებრივ ტრანსპორტში პირბადის გარეშე გადაადგილებისთვის სულ 49 მგზავრი დაჯარიმდა. ბათუმის მუნიციპალური ინსპექცია მოუწოდებს მოქალაქეებს, მაქსიმალურად დაიცვან ჯანდაცვის სამინისტროს მიერ დადგენილი რეგულაციები.