გაძვირებული სურსათი და ინფლაციის საგანგაშო მაჩვენებელი. მომხმარებლებისა და უკვე გასაყიდი პროდუქტებისაგან დაცარიელებული დახლები. მოქალაქეები რეკორდულად მოკლე ვადაში შექმნილ კრიზისზე საუბრობენ. მოსახლეობის ნაწილი დაბალფასიან პროდუქტზე გადასვლას ცდილობს, თუმცა შეძენა ამ შემთხვევაშიც უჭირთ. ლარის გაუფასურებასთან ერთად, ბოლო რამდენიმე დღეში, რეკორდულად გაიზარდა სამომხმარებლო კალათის ღირებულება.
ერთი ტომარა პურის ფქვილის ღირებულება 70 ლარია. ბოლო რამდენიმე თვეში, ფასი ოცი ლარითაა მომატებული. მოვაჭრეები ამბობენ, რომ გასაყიდი პროდუქტის შეძენა თავადაც გაუძვირდათ. იმის გამო, რომ გაზრდილ ფასს მომხმარებელი ვეღარ სწვდება, შეუმცირდათ მოგებაც.
პურის ფქვილის მწარმოებლები ამბობენ, რომ ბითუმად აღებულ ერთ ტომარა ფქვილში 64 ლარს იხდიან. მიზეზი შემდეგია: იმპორტირებულ ხორბალში ანგარიშსწორებას დოლარში ახდნენ, ლარის გაუფასურების პირობებში კი ეს რეკორდულ ციფრებს აღწევს.
ფასი რეკორდულადაა გაზრდილი ზეთზეც. სამლარნახევრიანი ზეთი, დღეს ზუსტად 6 ლარი ღირს. 5 ლიტრიანი ქილით ზეთის ფასი კი 18-დან 27-28 ლარამდე გაიზარდა.
ფასი მოემატა ერთწლოვან კულტურებსაც, ნიორს, ხახვს, მწვანილს. აგრარული ბაზრის მოვაჭრეები ამბობენ, რომ მომხმარებელი სულ დაკარგეს. მათ შორის შეკვეთები, სარიტუალო დარბაზებიდან. შიშობენ, რომ ვაჭრობა არც საახალწლოდ ექნებათ, მით უფრო, რომ საზეიმო ღონისძიებები არ იქნება და რესტორნები ვერ ახალი წლის დღეებში იმუშავებენ.
ლარის გაუფასურების პარალელურად, ფასი 10 თეთრით მოემატა საწვავსაც. დარეგულირდება თუ არა ღირებულება, იმპორტიორებს პროგნოზი უჭირთ.
მოსახლეობა საუბრობს მედიკამენტებზე მომატებულ ფასებზეც.
1
s
s
s