არჩილ ჩიქოვანის განცხადებით, ქალაქი ზამთარს მომზადებული ხვდება. დანიშნული ბათუმის მერის მოვალეობის შემსრულებლის განცხადებით, ყინვების და დიდთოვლობის შემთხვევაში, გარდა სპეციალური ტექნიკისა, მომარაგებული იქნება 150 ტონა ტექნიკური მარილი და მობილურ ჯგუფებად დაყოფილი ადამიანური რესურსი. კვირის ბოლომდე დასრულდება ხე-მცენარეების შეფუთვის სამუშაოები. მერიაში ასევე აცხადებენ, რომ სოციალურად დაუცველი თითოეული ოჯახი მიიღებს 2 კუბურ მეტრ შეშას. ამ დროისთვის მერიაში მხოლოდ 120 განაცხადია შემოსული. მუნიციპალური სასადილოებით მოსარგებლე ბენეფიციარები კი, კორონავირუსის გავრცელების პრევენციის მიზნით, ერთდროულად მიიღებენ ერთი თვის მარაგს. საახალწლოდ დაგეგმილია სპეციალური სასურსათო კალათების გაცემაც. სამუშაო შეხვედრა მერიაში დღეს გაიმართა.
4
s
s
s