ერთი თვე აჭარის მთავრობის სახლის წინ მიმდინარე აქციიდან. პროტესტი ოპოზიციური პარტიების ორგანიზებით, ამ დრომდე გრძელდება. ბუშტების პერსფონმანსის, პინგვინების, ზებრებისა და ზვიგენების შემდეგ, ადმინისტრაციული შენობის წინ აქტივისტებმა, ტატამი გაშალეს. შეკრებილები ერთმანეთს ჭიდაობაში ეჯიბრებიან. როგორც აქციის მონაწილეებმა განმარტეს, ამ ფორმით, ფიტნეს კლუბების ხელმძღვანელებს სოლიდარობა გამოუცხადეს
ბუშტების, სავაჭრო დახლებისა თუ მოწყობილი კაფეს შემდეგ, დღეს, აქციის მონაწილეებმა საჭიდაო ტატამიც გაშალეს. მოყვარულები თუ სპორტსმენები ჭიდაობის ქართული სტილით, ერთმანეთს ღია ცის ქვეშ ერკინებიან. ამბობენ, რომ ასე სოლიდარობას, ფიტნეს კლუბების მფლობელებს უცხადებენ.
„ახალგაზრდების კაფე" „თავისუფლების კვარტალში“ აქციის ეპიცენტრში კვირის დასაწყისში გაიხსნა. ასე, ცხელი ყავით თუ ჩაით, დეკემბრის სუსხში, მონაწილეებიც თბებიან და სხვებსაც უმასპინძლდებიან. გეგმავენ, საკონდიტრო ნაწარმის დამატებასაც. ეს ერთადერთი კაფეა აჭარაში, რომელიც კოვიდრეგულაციების მიუხედავად ფუნქციონირებს.
ეს ერთადერთი კვების ობიექტი არ არის, რომელიც იფუნქციონირებს. დახლი უკვე მზადაა და ხვალიდან ხელმისაწვდომი სწრაფი კვებაც გახდება. ისიც უფასოდ.
ერთადერთი, რაზეც პოლიცია მკაცრად რეაგირებს, ჰელიუმის ბუშტების ჰაერში გაშვების მცდელობაა. სამართალდამცველები მაქსიმალურად უშლიან ხელს აქციის მონაწილეებს, ჩანაფიქრი ვერ განახორციელონ. გასაშვებ ბუშტებს ხეთქავენ და იწყებენ აქტივისტების დაკავებას. აჭარის მთავრობის თავმჯდომარემ, აქტივისტებს, ეპიდემიოლოგების რეკომენდაციაც გაუმეორა, თუმცა სად მოისმინა თორნიკე რიჟვაძემ ასეთი განცხადება, ამ დრომდე უცნობია.
დღეს ზუსტად ერთი თვე გავიდა მას შემდეგ, რაც აჭარაში ოპოზიცია და ოპოზიციურად განწყობილი მოსახლეობა, ქუჩაში გამოვიდა და 2020 წლის საპარლამენტო არჩვენების შედეგებს, პროტესტს, უწყვეტად უცხადებს.
63
s
s
s