26, იანვარი 2021 21:30:00
სიღატაკის ზღვარს ქვემოთ მყოფი ქალი, რომელიც ამორტიზებულ ფიცრულში მარტო ცხოვრობს. ვალენტინა რუბცოვას პენსია და სხვა დამატებითი შემოსავალი არ აქვს. იგი არც სოციალურად დაუცველთა ბაზაში ირიცხება. მარტოხელა ქალს, საკვებით მეზობლები ეხმარებიან, ხოლო სხვა სახის დახმარებაზე იგი უარს აცხადებს. მიზეზად მათ მიმართ გაჩენილ უნდობლობას ასახელებს. დაეხმარება თუ არა რუცბოვას სოციალური მომსახურების სააგენტო და ბათუმის მერია? ჩემი კოლეგა არკვევდა.
ვალენტინა რუბცოვა ამ ამორტიზებულ საფიცრულში წლებია მარტო ცხოვრობს. თავშესაფარს არც ჭერი უვარგა, არც კედლები და სახურავი. მოხუცს არც ის ახსოვს, უკანასკნელად ღამე თბილად როდის გაათია. წლებს მეზობლების იმედად ატარებს.
მოხუცს ყველაზე მეტად ცუდი ამინდი აშინებს, რადგან ძლიერმა ქარმა შესაძლოა ფიცრული დაანგრიოს. იხსენებს, რომ მერიამ მისი საცხოვრებელი რამდენიმე წლის წინ შეამოწმა, თუმცა შემდეგ დახმარება აღარ მიუღია, შესაკეთებლადაც კი არავინ მისულა.
ვალენტინა, სოციალურად დაუცველთა ბაზაში არ ირცხება. აქ მას არც პენსია აქვს. აქვს რუსეთში, თუმცა სამი წელია ვერ სარგებლობს. მან ფეხი მოიტეხა და მას შემდეგ გამგზავრება ვეღარ შეძლო.
მოხუცს, რომ ჯანმრთელობის პრობლემები აქვს და მძიმე სოციალურ პირობებს ებძრძვის, მეზობლებიც ადასტურებენ, ცდილობენ ულუკმაპუროდ არ დატოვონ, სხვა დახმარებაზე კი მოხუცი მათ უარს ეუბნება. ამბობენ, რომ მოხუცი მათ არ ენდობა.
სოციალური მომსახურების სააგენტოში პასუხი ტრადიციულია. რუბცოვამ წერილობით უნდა მიმართოს.
დახმარების მისაღებად, რუბცოვას, ოფიციალურ წერილს სთხოვს ბათუმის მერიაც.