შესაძლოა მალე, მართვის მოწმობის გარეშე, მოპედით გადაადგილება ქვეყანაში აიკრძალოს. ახალი ინიცვიატივით, შინაგან საქმეთა მინისტრი, ვახტანგ გომელაური გამოვიდა. ჯერ-ჯერობით უცნობია, რა ვადაში მიიღებს ინიციატივა კანონპროექტის სახეს, თუმცა აღმოჩნდა, რომ მძღოლები, მოპედისტების რეგულაციებს დაქვემდებარებას, დიდი ხანია ელოდებიან.
ინიციატივა, რომელზეც საქართველოს მთავრობაში ორი წელია მუშაობენ, შესაძლოა კანონად მალე იქცეს. შინაგან საქმეთა მინისტრი ისევ დაუბრუნდა, სატრანსპორტო საშუალებათა მართვის უფლების მინიჭების და მძღოლის მოწმობის გაცემის წესში ცვლილების საკითხს. ვახტანგ გომელაური გამოვიდა წინადადებით, მოქმედ წესს, უკვე მოპედის მძღოლებიც დაექვემდებარონ.
ინიციატივა, მოქალაქეებს მოსწონთ. ამბობენ, რომ ავბტოსაგზაო შემთხვევები მნიშვნელოვნად შემცირდება. განსაკუთრებით კმაყოფილი არიან მძღოლები. ამბობენ, რომ მოხდება საავარიო სიტუაციების პრევენციაც.
მოპედით მოსარგებლე მძღოლები, მთელი ქვეყნის მასშტაბით, მათ შორის ბათუმში, განსაკუთრებით პანდემიის პირობებში მომრავლდნენ. როცა სამსახურის გარეშე დარჩენილმა ახალგაზრდება, ერთადერთი გამოსავალი გატანა-მიტანის სერვისით დასაქმებაში იპოვეს. თუ კანონი ძალაში შევა, ისინი ამბობენ, რომ უმუშევრად დარჩებიან.
პრობლემის არსი და თავად დასაქმებულების გამოწვევაც კარგად ესმით ქალთა საავტომობილო ფედერაციაში. მიუხედავად ამისა, სურთ ინიციატივა, დაკანონდეს, რადგან მოპედიც, სატრანსპორტო საშუალებაა და რეგულაციას უნდა ექვემდებარებოდეს. ფედერაციაში, ასევე ამბობენ, რომ როგორც მოტპოციკლით მგზავრობისას, შესაბამისი აღჭურვილობის გარშე გადაადგილება, მოპედისტებსაც უნდა აეკრძალოთ.
ვახტანგ გომელაურმა, ინიციატივის შესახებ, გუშინ, პარლამენტის გაერთიანებული კომიტეტების სხდომაზე ისაუბრა.
67
s
s
s