04, მარტი 2021 16:28:00
შინაგან საქმეთა სამინისტროს გენერალური ინსპექციის თანამშრომლებმა, დოკუმენტის გაყალბების, დიდი ოდენობით თაღლითობის და თაღლითობის მცდელობის ბრალდებით, ორგანიზებული ჯგუფის 5 წევრი დააკავეს. დაკავებულთა შორის ერთ-ერთი შსს-ს თანამშრომელია. გამოძიებით დადგინდა, რომ ბრალდებულები ყალბი დოკუმენტაციის გამოყენებით ცდილობდნენ ერთ-ერთი მოქალაქის დეპოზიტზე არსებული თანხის თაღლითურად დაუფლებას. დანაშაული 7-დან 10 წლამდე თავისუფლების აღკვეთას ითვალისწინებს.