დისკრიმინაციული მიდგომები პროფესიულ სასწავლებლებში. ასაკი ხშირ შემთხვევაში საგანმანათლებლო კურსზე ჩარიცხვის მთავარი კრიტერიუმია, ანუ 29 წლამდე მოქალაქეებს სხვებთან შედარებით განათლების მიღების უფრო მეტი შანსი აქვთ . რატომ აყენებს პროფსასწავლებელები ადამიანებს არათანაბარ კონკურენციაში?
პროფესიული განათლების მიღების მსურველებისთვის, გამოცდაზე, საბოლოო შედეგი შემდეგნაირად ითვლება: მიღებული ქულა, 1,3 ან 1,1 მეთედ კოეფიციენტზე მრავლდება. მაგრამ ყოველთვის არა. გააჩნია, რა ასაკისაა აპლიკანტი. ეს ფორმულა, მხოლოდ იმ შემთხვევაში გამოიყნება, თუ კი გამოსაცდელი პირი, 19 წლამდე ასაკისაა, ან 19-დან 29 წლამდეა. 29 წელს ზემოთ აპლიკანტს, მხოლოდ ის ქულა რჩება, რასაც გამოცდაზე მიიღებს. იგი, კოეფიციენტებზე აღარ მრავლდება.
38 წლის ნათია შავაძე, რამდენიმე თვის წინ, ბათუმის პროფესიულ სასწავლებელშ, კულინარიის ხელოვნების სასწავლო პროგრამაზე აბარებდა. გამოცდაზე, უმაღლესი შეფასება მიიღო, თუმცა სტუდენტი მაინც ვერ გახდა. მართალია, სხვებს გაცილებით დაბალი შეფასება ჰქონდა, მაგრამ ასაკი ხელს უწყობდათ და მიღებული ქულები გაუმრავლდეს. ამ პრივილეგიას ნათია მოკლებული აღმოჩნდა.
ნათია ფიქრობს, რომ 2020 წლის 28 მაისის საქართველოს განათლების მინისტრის ბრძანება დისკრიმინაციულია. სწორედ ამიტომ, სარჩელით, საკონსტიტუციო სასამართლოს მიმართა. ინტერესს "საქარველოს ახალგაზრდა იურისტთა ასოციაცია" იცავს. იურისტი მიიჩნევს, რომ სადავო ნორმით იზღუდება თანასწორობისა და განათლების უფლება. ასევე განმარტავს, რომ შესაძლოა ჩანაწერის მიზანი, 29 წლამდე ახალგაზრდებში, უმუშევრობის შემცირებაა, თუმცა ქვეყანაში დასაქმება, ძირითადად 29 წელს ზემოთ ასაკის მოქალაქეებს უჭირთ.
კონტრარგუმენტების მოსასმენად, საქართველოს განათლების სამინისტროს მივმართეთ, თუმცა კითხვებზე პასუხებს, ამაოდ ველოდეთ. პრეს-სამსახური, რესპოდენტის შეთანხმებას დაგვპირდა, თუმცა საბოლოოდ, აღარ გვიპასუხა.
7
s
s
s