27, აპრილი 2021 18:15:00
ბათუმის ტურისტული შესაძლებლობები რეიტინგული ფრანგული ტელეკომპანია “France 5”-ის ობიექტივში მოხვდა. პოპულარული სათავგადასავლო გადაცემის „Echappées Belles“ გადამღებმა ჯგუფმა, ძველი ბათუმი, ბოტანიკური ბაღი და სოფელი თაგო გადაიღეს. ჟურნალისტები, რეგიონს ტურიზმის ეროვნული ადმინისტრაციის მოწვევით სტუმრობდნენ. “France 5”-ის გადამღებმა ჯგუფმა აჭარის შემდეგ თბილისი, მცხეთა, ანანური, ვარძია და ქუთაისი მოინახულეს. საქართველოს სხვადასხვა კუთხეზე მომზადებული 90 წუთიანი გადაცემა “France 5”-ის ეთერით ივნისში გადაიცემა. არხს, მილიონზე მეტი მაყურებელი ჰყავს.