30, აპრილი 2021 17:28:00
ბათუმის მერიამ, სოციალურად დაუცველებს, სააღდგომო პასკა 15 დღით ადრე დაურიგა. ნუგბარი დღესასწაულამდე გაფუჭდა. ერთ-ერთი ბენეფიციარი ამბობს, რომ პასკა საჭმელად უვარგისია. შესაბამისად, თალიკო რუხაძე გეგმავს, წინასააღდგომო საჩუქარი, მაჟორიტარ დეპუტატ, ტიტე აროშიძეს დაუბრუნოს. "ბათუმის სოციალური სერვისების სააგენტოში“ ამბობენ, რომ სოციალური კალათა 2 კვირით ადრე პანდემიის გამო გასცეს. მამუკა შამილიშვილს უკვირს, რატომ გაფუჭდა ნუგბარი ნაადრევად, როცა მისი ვარგისიანობის ვადა ერთი თვეა.