„ბესო ველოთი“ - ქობულეთში, ყველასთვის კარგად ნაცნობი და საყვარელი ადამიანი. შესაძლოა ბევრი მას პირადად არ იცნობს, თუმცა მის შესახებ მაინც ყველას სმენია. 35 წლის კაცის დილა, მუნიციპალიტეტის აგრარულ ბაზარში იწყება. შემდეგია მერია, შემდეგ კი ქალაქის სხვადასხვა ნაწილი. ბესო ვერულიძის პორტრეტი მაცნეს ობიექტივში.
ასე იწყება ბესოს ყოველდღიურობა. ველო, საყვარელი მუსიკა და თბილი სალამი თანაქალაქეებს. დილაადრიან ქობულეთის აგრარულ ბაზართან მიდის. აქ მას ბევრი ნაცნობი და მეგობარი ჰყავს: ისინი, ვინც მასზე ზრუნავენ და მატერიალურად ეხმარებიან.
ბესოსთან შეხვედრა ყველას უხარია და ყველას ამხიარულებს. მისი დანახვა პოზიტიურ განცდებს იწვევს, ეს კი ემოციებში იგრძნობა. ქობულეთში ცნობილ სახეს ყველა უღიმის და ხმამაღლა ესალმება.
„ბესო ველოთი“ - ქობულეთში მას ყველა ასე იცნობს. ქუჩაში ყველა დადებითად ახასიათებს.
ბაზრიდან მერიისკენ მიდის. გზადაგზა გაკვირვებული სახეები აქაც გვხვდება. უწყებას ხშირად სტუმრობს. თითქმის ყველა თანამდებობის პირი იცის და მათთან პირისპირ კომუნიკაციაც ხშირად აქვს. მათ იმ პრობლემებზე ესაუბრება,რაც ოჯახში, მძიმე სოციალური მდგომარეობის გამო აქვს. პოლიტიკური პროცესებს კარგად იცნობს. სურდა პრეზიდენტობა.
35 წლის ბესო სოციალური ქსელის აქტიური მომხმარებელიცაა.
შემდეგი მიმართულება სახლისკენ გზაა. იქ ბესოს დისშვილები ელოდებიან. ისევ მუსიკა, ისევ მხიარული გზა და ისევ გაკვირვებული სახეები. კაცი, რომელსაც ქობულეთში ყველა იცნობს და ყველას უყვარს, ხვალ დილით პოზიტიური განწყობებით აქ ისევ გამოჩნდება.
48
s
s
s