25, მაისი 2021 14:49:00
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, ამ ეტაპისთვის საქართველოში ჯამში კორონავირუსის საწინააღმდეგო ვაქცინის 200 000 დოზაა. მისი განმარტებით, 15 ივნისამდე Covax პლატფორმიდან AstraZeneca-ს 43 ათასი დოზა უნდა შემოვიდეს, ივნისის ბოლოს კი ქვეყანა Sinopharm-ის დამატებითი დოზებს ელოდება.
გამყრელიძემ ასევე აღნიშნა, რომ Pfizer-თან კონტრაქტი დასრულების პირასაა და თანდათანობით ქვეყანაში ვაქცინის მილიონი დოზა შემოვა.
"გარდა ამ 200 000 ვაქცინისა, რაც ახლაა ქვეყანაში, CovaX პლატფორმიდან 15 ივნისამდე დაახლოებით 43 ათასი AstraZeneca უნდა შემოვიდეს. ასევე დადასტურებაა მიღებული, რომ ივნისის ბოლოს ან ყველაზე გვიან, ივლისის პირველ რიცხვებში ნახევარი მილიონი Sinopharm უნდა შემოვიდეს და შემდეგ მესამე კვარტალში, ასევე კონტრაქტი დასრულების პირას არის, თანდათანობით უნდა შემოვიდეს მილიონი დოზა Pfizer-ი",- თქვა ამირან გამყრელიძემ.