17, ივნისი 2021 17:31:00
აჭარის ეკონომიკის მინისტრსა და ბობოყვათში მცხოვრებ მოსახლოებას შორის გამართული შეხვედრა უშედეგოდ დასრულდა. ერთ საათიანი მოლაპარაკების პროცესი ხმაურის ფონზე მიმდინარეობდა. ბობოყვათის მცხოვრებლები აუქციონის გაუქმებას ითხოვენ. ჯაბა ფუტკარაძის განცხადებით კი, აუქციონი არ შეჩერდება. მოქალაქეები აცხადებენ, რომ მამაპაპისეულ მიწებს არ დათმობენ. ისინი პერმანენტულ აქციებს გეგმავენ და ტერიტორიაზე ინვესტორის შეშვებას არ აპირებენ. თუ კი საკითხი არ მოგვარდება თვითმმართველობის არჩევნებისთვისაც ბოიკოტის გამოცხადებას აპირებენ.