მძაფრი, უსიამოვნო და სპეციფიკური სუნი - ამ სიტყვების მოსმენისას ადგილობრივებს, თავდაპირველად, ალბათ ბათუმში, აეროპორტის და ახალი ბულვარის მიმდებარე ტერიტორია გაახსენდებათ. ეს პრობლება ადგილზე წლებია არსებობს. სუნის წარმოქმნის ორი გარემოებაა, პირველი, ბათუმის პოლიგონი და მეორე, იქ არსებული საკანალიზაციო სისტემის სატუმბი ნაგებობა. იმის გამო, რომ მდგომარეობა გაუსაძლისია, ტერიტორიაზე აღარც ბინის ქირაობის მსურველია და აღარც მყიდველის. ადგილზე ჩვენი ჟურნალისტი, სალომე უსტალიშვილი მუშობდა და ის მოგვიყვება რას ამბობენ მოქალაქეები და როგორ პასუხობს მათ „ქართული ოცნება“.
ტურისტულ ქალაქში და მითუმეტეს სანაპიროს მიმდებარედ, ასეთი გაუსაძლისი სუნი, რომ არ უნდა იყოს ამაზე ყველა თანხმდება. ამის გამო, ცუდ დღეში ის პირები აღმოჩნდნენ ვინც მიმდებარე ტერიტორიაზე ბინას ყიდის. თემურ საკანდელიძემ ბიზნესის წამოსაწყებად ვალი ბანკიდან აიღო, შეიძინა რამდენიმე ბინა, თუმცა, ახლა უფუნქციოდ აქვს, რადგან მძაფრი სუნის გამო მყიდველი წლებია არ გამოჩენილა.
მყიდველი არა თუმცა ტურისტები გამოჩდნენ. ვინც არ იცოდა და ბინის ქირაობა ახალი ბულვარის მიმდებარედ ან აეროპორტის გზატკეცილთან გადაწყვიტა სასტუმროებს მეორე დღესვე ტოვებენ. არადა ხელისუფლება ხშირად ამბობს, რომ პანდემიის პირობებში ეკონომიკის ამუშავება და ტურისტების მოზიდვა მნიშვნელოვანია. რამდენად მოიზიდავს მსგავსი გარემოება ვიზიტორებს ეს სადაო საკითხია, თუმცა, ფაქტია, რომ ქალქში, გაუსაძლისი სუნის პრობლება ვერა და ვერ მოგვარდა.
რას უკავშირდება წლების განმავლობაში აღმოუფხვრელი პრობლემა? მოქალაქეები ორ გარემოებაზე საუბრობენ. პირველი პოლიგონი და მეორე ადგილზე არსებული საკანალიზაციო სისტემის სატუმბი ნაგებობა. აქ მცხოვრებლები ამბობენ, რომ ხელისუფლებას მუდმივად სთხოვენ ყურადღების მიქცევას, თუმცა, ფიქრობენ, რომ მთავრობას ხალხი, მხოლოდ, წინასაარჩევნო პერიოდში სჭირდება. მაშინ, როდესაც მიმზიდველი დაპირებების გრძელი სიით მიაკითხავენ.
უფუნქციოდ დარჩენილ სასტუმროებსა და საცხოვრებელ კორპუსებზე საუბრობენ, მმართველი გუნდის ოპონენტები. რეზო ხარაზის თქმით, საკანალიზაციო სისტემის სატუმბებს ფილტრი არ აქვს და ხელისუფლებამ ისიც ვერ მოახერხა, რომ მოწყობილობები შესაბამისად აღეჭურვა.
ჩამდინარე წყლების სატუმბი ნაგებობა „ბათუმის წყლის“ საკუთრებაშია. აქ წერილობით გვაცნობეს, რომ სპეციკური სუნი, აღნიშნული ნაგებობის გამო არ დგას. განმარტებაში ვკითხულობთ:
ახალი პოლიგონი ექსპლუატაციაში ვერა და ვერ შევიდა. აჭარის ფინანსთა და ეკონომიკის სამინისტროში ამბობენ, რომ ნარჩენების მართვის ობიექტის მშენებლობა დასრულდა და ამ ეტაპზე მისი ტესტირება მიმდინარეობს. ეწყების ცნობით, სწორედ ამის შემდეგ, განხორციელდება ექპლუატაციის პროცედურები - ეს ინფორმაცია არაფრით განსხვავდება იმისგან, რაც თვეების წინ მივიღეთ. უწყებაში ნაგავსაყრელის გახსნის ზუსტ რიცხვს დღემდე ვერ ასახელებენ.
10
s
s
s