03, სექტემბერი 2021 17:30:00
კრიშტიანუ რონალდუ, გინესის რეკორდების წიგნში შევიდა. ფეხბურთელმა მსოფლიო რეკორდი ეროვნული ნაკრების მაისურით გატანილი გოლების მიხედვით დაამყარა.
"მანჩესტერ იუნაიტედის" თავდამსხმელმა გინესის რეკორდების სერტიფიკატი ინსტაგრამზე დადო.
მადლობა გინესის რეკორდების წიგნს. ყოველთვის კარგია, როცა მსოფლიო რეკორდსმენად გაღიარებენ. მოდი, ეს მაჩვენებელი კიდევ ზევით ავწიოთ - წერს რონალდუ ინსტაგრამზე.
პორტუგალიასა და ირლანდიას შორის გამართულ მსოფლიო ჩემპიონატის შესარჩევ მატში, რონალდუმ, დუბლი შეასრულა და ამით ეროვნულ ნაკრებში მის მიერ გატანილი გოლების მაჩვენებელი 111-ს გაუტოლა.
ცნობილმა ფეხბურთელმა ირანის ნაკრების თავდამსხმელის, ალი დაეის, რეკორდი - 109 გოლი, გააუმჯობესა და მსოფლიოს ახალი რეკორდსმენი გახდა.