16, სექტემბერი 2021 14:28:00
ფერიაში, ახალი საჯარო სკოლის მშენებლობა, მიმდინარე სასწავლო წლისთვის დასრულდება. ოთხსართულიან სასწავლო დაწესებულებაში, ლაბორატორიები, ბიბლიოთეკა, სპორტული და სააქტო დარბაზები განთავსდა. მოეწყო შენობის ეზო. ინფრასტრუქტურა სრულადაა ადაპტირებული შეზღუდული შესაძლებლობის მქონე პირებისთვის. მშენებლობის ღირებულებამ, სამი მილიონ ოთხასი ათასი ლარი შეადგინა. აჭარის განათლების სამინისტრო, წელს, 18 საჯარო სკოლასა და სპორტულ დარბაზს აშენებს. აქედან, წლის ბოლომდე ათი შენობა უნდა ჩაბარდეს. პარალელურად, მიმდინარეობს 40 სკოლის რეაბილიტაცია.