17, სექტემბერი 2021 17:26:00
"ცენტრ პოინტ ჯგუფის" საქმეზე მსჯავრდებულმა მაია რჩეულიშვილმა, ქალთა მე-5 პენიტენციური დაწესებულება დატოვა. რჩეულიშვილსა და ბრალდების მხარეს შორის საპროცესო შეთანხმება დღეს შედგა. პენიტენციურ დაწესებულებასთან მაია რჩეულიშვილს, მისი შვილი, ოჯახის წევრები და ახლობლები დახვდნენ. ბრალდებულს, 7 წლით თავისუფლების აღკვეთა, თანხების მითვისებისა და გაფლანგვისთვის ჰქონდა მისჯილი. მის წინააღმდეგ რამდენიმე დავა იყო, მათ შორის ბათუმში, ე.წ. „მაგნოლიას“ კორპუსის ნაწილზე.