18 წლის გოგოს მონაყოლის მიხედვით, კაცმა სექსულური ძალადობა 1 აგვისტოს, საკუთარ სახლში სცადა
საზოგადოება
ახალგაზრდა ქალის გაუპატიურების მცდელობაში ბრალდებული, ახლა წინასწარ პატიმრობაშია. პოლიციამ, კაცი 1 აგვისტოს დააკავა. მას ბრალს, 18 წლის გოგო უყენებს. ჰყვება, რომ 31 წლის კაცმა, მასზე სექსუალური ძალადობა სცადა. გამოქცევა შეძლო, თუმცა შემდეგ მობილურზე მუქარის შემცველ ესემესებს იღებდა. ამბობს, რომ კაცი სიცოცხლის მოსპობით ემუქრებოდა.
18 წლის გოგოს მონაყოლის მიხედვით, კაცმა სექსულური ძალადობა 1 აგვისტოს, საკუთარ სახლში სცადა, როცა გოგო სტუმრად ჰყავდა. ბრალმდებელი ამტკიცებს, რომ შემთხვევისას სახლში, ბრალდებულის მეუღლე და ორი შვილიც იმყოფებოდა.
სავარაუდო შემთხვევიდან ორ თვეზე მეტი გავიდა, თუმცა ბრალმდებელმა ამბავი მხოლოდ დღეს გაასაჯაროვა. ამბობს, რომ სავარაუდო მოძალადეს საგამოძიებო ორგანოში მფარველობენ. გარდა ამისა, ირწმუნება, რომ რამდენიმე დღის წინ, მისი ადვოკატი საქმეს ჩამოშორდა, გამოძიების დეტალების შესახებ კი ინფორმაციას არ აწვდიან.
დაზარალებულის ინტერესს ორგანიზაცია „იალქანი“ იცავს. დეტალებზე ორგანიზაცაოში ვერაფერს გვეუბნებიან. თიკო აბაბშძემ მხოლოდ ის თქვა, რომ 18 წლის გოგოს, ინტერესების დაცვაში, შესაძლოა საიაც დაეხმაროს.
ბრალდებებს უარყოფს პატიმრობაში მყოფი პირის ადვოკატი. თემურ ქავშბაია დარწმუნებულია, რომ მისი დაცვის ქვეშ მყოფი პირის უდანაშაულობის დამტკიცებას შეძლებს. ქავშბაია გამორიცხავს მფარველობის შესახებ ბრალდებას.
სავარაუდო ძალადობის ფაქტი, ქობულეთში მოხდა. საქმეზე სასამართლო პროცესი სავარაუდოდ უახლოეს დღეებში გაიმართება.
6
s
s
s