25, ნოემბერი 2021 15:17:00
სახელმწიფოს კუთვნილი დიდი ოდენობით თანხის მითვისების ფაქტზე ორი პირი პასუხისგებაში მისცეს. ერთი მათგანი უკვე დაკავებულია. გამოძიებით დადგინდა, რომ ბრალდებულებმა, უკანონო მატერიალური სარგებლის მიღების მიზნით, კომპანიის სახელით, მონაწილეობა მიიღეს და გაიმარჯვეს სახელმწიფო ტენდერებში. ინფრასტრუქტურული სამუშაოების შესასრულებლად, მიიღეს 757 ათას 061 ლარი, საიდანაც მართლსაწინააღმდეგოდ დაეუფლნენ 304 ათას 363 ლარს და არ შეასრულეს ხელშეკრულებებით ნაკისრი ვალდებულებები. მიმდინარეობს გამოძიება. სასჯელი თავისუფლების აღკვეთას 7-დან 11 წლამდე ვადით ითვალისწინებს.