13, თებერვალი 2017 08:07:00
ბათუმის ახალგაზრდული საკალათბურთო ნაკრები საქართველოს ჩემპიონატისთვის ემზადება. 10 სპორტსმენი დღეს სასწავლო-საწვრთნელ შეკრებაზე, თბილისში, გაემგზავრა. საწვრთნო შეკრებას კალათბურთელები 20 თებერვლის ჩათვლით გაივლიან. აღნიშნული წვრთნების გავლის შემდეგ მიმდინარე წლის მარტის თვეში ნაკრები საქართველოს ჩემპიონატში მიიღებს მონაწილეობას. სასწავლო-საწვრთნელ შეკრებებზე სპორტსმენები, სპორტისა და ახალგაზრდულ საქმეთა დეპარტამენტის ,,სპორტის ხელშეწყობის’’ პროგრამის ,,სათამაშო და ინდივიდუალურ სახეობათა განვითარების ხელშეწყობის’’ ქვეპროგრამის ფარგლებში გაემგზავრნენ.