სასწრაფო-სამედიცინო დახმარების მანქანა მსუბუქ ავტომობილს შეეჯახა

სასწრაფო-სამედიცინო დახმარების სამსახურის ავტომანქანა მსუბუქ ავტომობილს შეეჯახა.

შემთხვევა ცოტა ხნის წინ, თელავი-ყვარელი გურჯაანის დამაკავშირებელ გზაზე მოხდა.

შეჯახების შედეგად, დაშავდა მსუბუქ ავტომობილში მყოფი ერთი ადამიანი. იგი მანქანიდან მაშველების დახმარებით ამოიყვანეს.

ექიმების ინფორმაციით, მას მოტეხილობები აღენიშნება. დაშავებული თელავის რეფერალურ ჰოსპიტალში გადაიყვანეს. ავტომობილში მყოფ სხვა პირებს მედიკოსებმა ადგილზე გაუწიეს დახმარება. 

სასწრაფო-სამედიცინო დახმარების ავტომობილში, არავინ დაშავებულა.

შემთხვევის ადგილზე პოლიცია  იმყოფებოდა. უცნობია რა მუხლით დაიწყო გამოძიება.