დღეს ბათუმის საქალაქო სასამართლოში მზია ამაღლობელის სასამართლო პროცესი გაიმართება

დღეს, 18 ივნისს, 13:00 საათზე, ბათუმის საქალაქო სასამართლოში მზია ამაღლობელის სასამართლო პროცესი დაიწყება. 

„ბათუმელების“| „ნეტგაზეთის“ დამფუძნებელსა და დირექტორს აჭარის პოლიციის დეპარტამენტის შესასვლელთან მდებარე დამხმარე ნაგებობაზე სტიკერის მიკვრის გამო შსს ქალაქის იერსახის დამახინჯებას ედავება. 

მზია ამაღლობელი ბათუმში, 11 იანვრის აქციაზე თავდაპირველად ადმინისტრაციული წესით დააკავეს – შსს-ს აჭარის პოლიციის დეპარტამენტის შენობის ღობეზე სტიკერის გაკვრისთვის: „იფიცება საქართველო”. 18 მარტს ის ადმინისტრაციულ საქმეზე ბათუმის საქალაქო სასამართლომ 2 ათასი ლარით დააჯარიმა.