ახალი ამბები • 1713854122
ხელვაჩაურში, 35 წლამდე ასაკის ქალი დაჭრეს - დაშავებული კლინიკაში მოათავსეს
ხელვაჩაურში, 35 წლამდე ასაკის ქალი დაჭრეს. შემთხვევა დღეს დილით მოხდა. ადგილზე საპატრულო პოლიციისა და სასწრაფო-სამედიცინო დახმარების ჯგუფები იყვნენ მობილიზებულები.
დაშავებული ბათუმის სამედიცინო ცენტრში მოათავსეს. BMC-ის ინფორმაციით, ქალის ჯანმრთელობის მდგომარეობა სტაბილურია.
თვითმხილველთა ცნობით, ქალმა შვილი საბავშვო ბაღში დატოვა, ქუჩაში გამოსული კი, სავარაუდოდ, ყოფილმა ქმარმა დანით დაჭრა.
თვითმხილველები TV25.GE-ის უყვებიან, რომ კაცი ადგილიდან გაქცევას ცდილობდა.
"გაქცევა უნდოდა და საზოგადოებრივ ტრანსპორტში ავიდა, მძღოლი მიხვდა, რომ გარბოდა და არ დაძრა ავტომობილი", - ამბობს მოქალაქე.
შსს-ს ინფორმაციით, გამოძიება სისხლის სამართლის კოდექსის 11 პრიმა 117-ე მუხლით მიმდინარეობს, რაც ოჯახის წევრის მიმართ ჯანმრთელობის განზრახ დაზიანებას გულისხმობს.
1711347478
1711015419
1710332573