ნარკოდანაშაულის ფაქტზე ორ პირს ბრალდება წარუდგინეს

საქართველოს პროკურატურამ ჯგუფურად ჩადენილი განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და უკანონო რეალიზაციის ხელშეწყობის ფაქტებზე, უცხო ქვეყნის ორ მოქალაქეს ბრალდება წარუდგინა.

უწყების განცხადებით, ბრალდებულებმა უკანონოდ შეიძინეს და შეინახეს 94.4585 გრ. ნარკოტიკული საშუალება "მეთადონი".

ბრალდებულების საცხოვრებელი ბინისა და პირადი ჩხრეკისას, ასევე სხვადასხვა ლოკაციიდან ამოიღეს 71 პაკეტად დაფასოებული "მეთადონი".

დანაშაული 20 წლამდე ან უვადო თავისუფლების აღკვეთას ითვალისწინებს.

შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უკანონოდ შეიძინეს და შეინახეს განსაკუთრებით დიდი ოდენობით 94.4585 გრ. ნარკოტიკული საშუალება „მეთადონი“ და უკანონო რეალიზაციის მიზნით, აღნიშნული ნარკოტიკული ნივთიერებების დაფასოებას, შემდგომში კი ლოკაციებზე განთავსებას ახდენდნენ.

სამართადამცველებმა თბილისში სხვადასხვა ლოკაციიდან, ასევე ბრალდებულების საცხოვრებელი ბინისა და პირადი ჩხრეკისას 71 პაკეტად დაფასოებული ნარკოტიკული საშუალება ,,მეთადონი“ ამოიღეს.

ბრალდებულებს ბრალდება საქართველოს სისხლის სამართლის კოდექსის 260-ე მუხლის მე-2 ნაწილის ,,ბ“ და მე-3 ნაწილის ,,ა“ ქვეპუნქტით (წინასწარი შეთახმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვა) და 260-ე კვარტა მუხლის მე-5 ნაწილის ,,ბ“ და მე-6 ნაწილის ,,ა“ ქვეპუნქტით (წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა) წარედგინათ, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.

პროკურატურამ ბრალდებულებისათვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა," - წერია განცხადებაში.