ახლა კი კიდევ ერთი ჩართვა გველის წინ. ჩემი კოლეგა გიორგი ხაბაძე შემოგვიერთდება, რომელიც მოგვიყვება როგორ შეფასდა ზურაბიშვილის სიტყვით გამოსვლა ოპოზიციაში.
პრეზიდენტის სიტყვით გამოსვლამ პარლამენტში ოპოზიციის ბოიკოტის ფონზე ჩაიარა. სხდომაზე პროტესტის ნიშნად საერთოდ არ შესულან „ნაციონალური მოძრაობი“ წევრები, რომლებიც სალომე ზურაბიშვილის ლეგიტიმურობას არ აღიარებენ.
პრაქტიკულად ნაციონალური მოძრაობის პოზიცია გაიზიარა „ევროპული საქართველოს“ წევრებმაც. პარტიაში თვლიან, რომ სალომე ზურაბიშვილი პრეზიდენტის პოსტზე ივანიშვილის ხელისუფლების მიერ ხმების მოსყიდვით და კრიმინალური სამყაროს დახმარებით მოხვდა. საპარლამენტო უმრავლესობის მხრიდან ოპოზიციის ბოიკოტი პრეზიდენტის ინსტიტუტის უპატივცემულობად შეფასდა, მათი განცხადებით ყოფილმა სახელისუფლო ძალებმა საკუთარი სტილს არ უღალატეს.
„ევროპული საქართველოსა“ და „ნაციონალური მოძრაობის“ წარმომადგენლებმა განცხადებები სხდომათა დარბაზის გარეთაც გააკეთეს და თქვეს, რომ მათი ბოიკოტი ერთადერთი მორალურად და პოლიტიკურად გამართლებული ნაბიჯია
ოპოზიციის ბოიკოტს სალომე ზურაბიშვილი თავის დასკვნით სიტყვაში გამოეხმაურა და ამ პროტესტს პრეზიდენტის, როგორც ქვეყნის ერთ-ერთი სიმბოლოს შეურაცხოფა უწოდა. მან დარბაზში ცარიელი ადგილების გამო წუხილი გამოთვა.
ზურაბიშვილის სიტყვით გამოსვლა მოისმინა მთლიანმა მინისტრთა კაბინეტმა - პრემიერის მეთაურობით. დარბაზში იჯდა თბილისის მერი და საკრებულოს თავმჯდომარე, ასევე სასამართლო სისტემისა და დიპლომატიური კორპუსის წარმომადგენლები და პატრიარქის მესაყდრე მეუფე შიო.
10
s
s
s