27, მარტი 2019 20:04:00
ტერიტორია, რომლის გასხვისება მერიამ უკვე გადაწყვიტა, მოსახლეობის პროტესტის მიზეზი ხდება. ვსაუბრობთ ჩაქვის სანაპირო ზოლზე, რომელიც იჯარით დრიმლენდ ოაზისს უნდა გადაეცეს. ადგილობრივებს ეჭვი აქვთ, რომ მათთვის იქ ბარიარს აღმართავენ და პლაჟით სარგებლობას ვეღარ შეძლებენ, ქობულეთის მუნიციპალიტეტის პირველი პირი და სასტუმროს მენეჯმენტი კი მოქალაქეებს პირობას აძლევს რომ ეს არ მოხდება.
ეს ის ტერიტორიაა, რომლის გასხვისება ქობულეთის მერიას უკვე გადაწყვტილი აქვს. ადგილობრივები შიშობენ, რომ ტურისტულ სეზონზე სასტუმრო „დრიმლენდ ოაზისი“ პლაჟს ჩაკეტავს და სანაპირო ზოლით ვეღარ ისარგებლებენ.
ადგილობრივები შიშობენ, სანაპირო ზოლის ჩაკეტვა მათ შფინანსურ მდგომარეობაზე უარყოფითად აისახება. უფრო მეტიც, ამბობენ, რომ გადაწყვეტილება შემოსავლის წყაროს გარეშე დატოვებს. იწრნმუნებიან, რომ ამით ტურისტებს დაკარგავენ.
მოქალაქეების ეჭვებს უსაფუძვლოს უწოდებენ ქობულეთის მერიაში. მუნიციპალიტეტის პირველი პირი ირწმუნება, რომ ადგილობრივები სანაპირო ზოლით სარგებლობას შეძლებენ. მირიან ქათამაძე ამტკიცებს, რომ ეს ინვესტორის მთავარი ვალდებულება იქნება.
იგივეს ამტკიცებენ სასტუმროს მენეჯმენტში, დრიმლენდ ოაზისის დირექტორის მოადგილის თქმით ტერიტორიის იჯარით აღების შემთხვევაში ადგილობრივებს სანაპირო ზოლით სარგებლობა არ შეეზღუდებათ, ნონა ხუჯაძის თქმით ტერიტორიაზე განთავსებული საპლაჟო ინფრასტრუქტურით სარგებლობა ფასიანი იქნება
გადაეცემა თუ არა 450მეტრი სიგრძისა და 1,2 ჰექტარი მიწის ფართობი , 10წლის ვადით დრიმლენდ ოაზისს, გადაწყვეტილება 29 მარტს ქობულეთის საკრებულოს სხდომაზე გახდება ცნობილი.