არსებობს თუ არა ქვეყანაში სამართალი? და რამდენად ენდობიან მოქალაქეები სისტემას, რომელიც საქართველოშია? მესამე სექტორმა კვლევის შედეგები გამოაქვეყნა. მოსახლეობის ნახევარზე მეტი ფიქრობს, რომ მართლმსაჯულებას მმართველი პარტია აკონტროლებს. თითქმის 50 პროცენტი კი მოსამართლეებს უნდობლობას უცხადებს.
ია არასამთავრობო ორგანიზაციის, კვლევის თანახმად, მოსახლეობის 53%-ის აზრით სასამართლო სისტემა მმართველი პარტიის გავლენის ქვეშაა, ხოლო 50% ფიქრობს, რომ სასამართლო სამართლიანი არ არის. მოქალაქეთა 43%-ის აზრით კი სასამართლო სისტემაში ე.წ. კლანი მოქმედებს. გამოკითხულთა 94% -ის აზრით ამ კლანის წევრებმა სასამართლო სისტემა უნდა დატოვონ. სასამართლო სისტემას გამოკითხულთა მხოლოდ 18% ენდობა, ხოლო 36% - არა.
კვლევის ავტორების თქმით, მოსახელობას კითხვა სასმართლოს მიმართ ნდობის გაზრდის თაობაზეც დაუსვეს, შედგები კი ასეთია: გამოკითხულთა 46% ფიქრობს, რომ სასამართლო სისტემა სრულიად ახალი მოსამართლეებით უნდა დაკომპლექტდეს. 41% ფიქრობს, რომ ხელისუფლება სასამართლო სისტემაში არ უნდა ერეოდეს, ხოლო 26%-ის აზრით, კანონმდებლობაა შესაცვლელი.
კვლევაში ინტიტუტების მიმართ სანდობაზეცაა საუბარი: გამოკითხულთა 55% ეკლესიას ენდობა. მასწავლებლებს მოსახლეობის 31% უცხადებს ნდობას. ექიმებს გამოკითხულთა მხოლოდ 22% ენდობა. პრეზიდენტს გამოკითხული მოსახლეობის 11 პროცენტი სრულად ენდობა, ხოლო სრულ უნდობლობას 18 % უცხადებს. აქვე გეტყვით, რომ კვლევა მთელი ქვეყნის მასტაბით 2019 წლის 20 თებერვლიდან 5 მარტის ჩათვლით ჩატარდა და 2087 ადამიანი გამოიკითხა. მისი საშუალო ცდომილება 2,3%-ია.
24
s
s
s