30, აპრილი 2019 20:01:00
დავით გარეჯის უდაბნოს მონასტრამდე მისასვლელი გზა შესაძლოა ისევ ჩაიკეტოს. ადგილზე დაძაბული ვითარებაა. ტერიტორიაზე აზერბაიჯანელი მესაზღვრეები გამოჩდნენ. კადრები სამოქალაქო აქტივისტმა გაავრცელა. უკავშირდება თუ არა მდგომარეობის გართულება იქ პრეზიდენტის ვიზიტს და ხომარ უნდა ველოდოთ საფრთეებს?
არის თუ არა დავით გარეჯის ტერიტორიაზე აზერბაიჯანული მხარის მესაზღვრეთა კონტიგენტის გაზრდა მკაფიო სიგნალი იმისა, რომ შესაძლოა საქართველოს, კულტურული მემკვიდრეობის შესანარჩუნებლად ბრძოლა დასჭირდეს. დავით გარეჯის მამათა მონასტრის არქიმანდრიტი ამბობს, რომ ამ ეტაპზე ტერიტორიაზე მომლოცველებსა და ტურისტებს გადაადგილებისას დაბრკოლება არ ექმნებათ, თუმცა მამა კირიონის თქმით, აღდგომის დღესასწაულის შემდეგ, უდაბნოს მონასტრანმდე მისასვლელი გზა ისევ ჩაიკეტოს.
დაძაბული ვითარება დავით გარეჯში ფოტოკოლაჟით აღწერა სამოქალაქო აქტივისტმა. გოგიტა ბუხაიძე ამბობს, რომ დავით გარეჯის უდაბნოს მონასტრის ტერიტორიის დასაკუთრება აზერბაიჯანულმა მხარემ არაერთხელ სცადა. ახლა კი საფრთხე რეალურია, რადგან საკითხზე არც ხელისუფლება და არც ოპოზიცია აქტიურობს.
უკავშირდება თუ არა აზერბაიჯანელი მესაზღვრეების გამოჩენა პრეზიდენტის დავით გარეჯში ვიზიტს, სადაც სალომე ზურაბიშვილი ქართველ მესაზღვრეებს შეხვდა და განაცხადა, რომ სასწრაფოდ უნდა მოგვარდეს საზღვრის დადგენის საკითხი.
მას შემდეგ, რაც დავით გარეჯის ტერიტორიაზე ვითარება გართულდა, პრეზიდენტი კომენტარს აღარ აკეთებს.
დავით გარეჯის დასაცავად, რომ საქართველომ ყველაფერი უნდა გააკეთოს, ამაზე თანხმდება ოპოზიციაც და და მმართველი გუნდიც. პარლამენტში ამბობენ, რომ პრობლემის აღმოსაფხვრელად, საჭიროა აზერბაიჯანსა და სააქართველოს შორის დიალოგი დაიწყოს.
დავით გარეჯის ტერიტორიაზე საზღვრის დელიმიტაციის დასრულების აუცილებლობაზე საუბრობს კონფლიქტოლოგი. ვახტანგ მაისაია რეალურ საფრთხეებზეც საუბრობს.
დავით გარეჯის საკითხის გადასაწყვეტად, საპატრიარქოს ეთნოგენეტიკის კვლევითი ცენტრის ხელმძღვანელი ორმხრივი კომისიის შექმნას ითხოვს. გიორგი ანდრიაძე ამბობს, რომ 2002 წლის კონსტიტუციური შეთანხმებით, გარეჯის მონასტერი, მოქმედი და არამოქმედი ტაძარი, საქართველოს მართლმადიდებელ ეკლესიას ეკუთვნის.
ცნობისთვის, დავით გარეჯის უდაბნოს მონასტრამდე მისასვლელი გზა რამდენიმედღიანი ჩაკეტვის შემდეგ მხოლოდ დროებით გაიხსნა. მესაზღვრეები აანონსებენ, რომ გზა 5-დან 15 მაისამდე შუალედში ისევ ჩაიკეტება.