ნინო გორჯელაძეს აჭარის მთავრობამ ხელშეკრულება აღარ გაუგრძელა - ამის შესახებ "TV 25"-ს უწყების პრესცენტრიდან აცნობეს. რატომ არ გაგრძელდა მხარეებს შორის შრომითი ხელშეკრულება - კითხვას ადმინისტრაციაში არ პასუხობენ. აქ სიტყვიერად განმარტეს, რომ ნინო გორჯელაძე მხოლოდ სამთვიანი ხელშეკრულებით იყო აყვანილი.
ნინო გორჯელაძე სამსახურში რამდენიმე დღეა, რაც არ მისულა, მიუხედავად ამისა, ადრესატი აჭარის მთავრობიდან წასვლის შესახებ ინფორმაციას არ ადასტურებს.
ნინო გორჯელაძე აჭარის მთავრობაში ძირითადად რეგიონის პირველ პირს მედიასთან ურთიერთობაში ეხმარებოდა, ამასთან სოციალური მედიის მიმართულებას ხელმძღვანელობდა.
გორჯელაძე წლების წინ აჭარის საზოგადოებრივი მაუწყებლის საინფორმაციო სამსახურის, მოგვიანებით კი, ამავე არხზე ერთ-ერთი გადაცემის წამყვანი იყო. ბოლოს დროს იგი ერთ-ერთი კომპანიის სარეკლამო სახე იყო.
1
s
s
s