ციმბირში მდებარე ჩაპლინგის საავიაციო ბაზაზე შეიქმნება სპეციალიზირებული ლაბორატორია, რომელსაც შეეძლება მფრინავი ავტომობილის შექმნა. ამის შესახებ რუსული მედია წერს.
მათი ინფორმაციით, ლაბორატორიის სპეციალისტები უკვე მუშაობენ ავტომობილის სადემონსტრაციო მოდელზე. ის უპილოტო სისტემით აღიჭურვება, ხოლო ძრავის ნაწილში ჰიბრიდული ბენზო-ელექტრო სისტემა განთავსდება.
წინასწარი ინფორმაციით, მფრინავი ავტომობილი აფრენა–დაფრენას ვერტიკალურად შეძლებს და ამისთვის მას 50 მეტრიანი ფართობი სჭირდება. რაც შეეხება სავალ მანძილს, მას 1000 კმ მანძილის გავლა შეეძლება. მისი მაქსიმალური სიჩქარე კი 300 კმ/სთ იქნება. ავტომობილის ნორმალური საფრენი ტვირთის წონა 500 კმ-ია.
პროექტის მენეჯერების განცხადებით, პირველი საცდელი ავტომობილი უახლოეს 3-4 წელიწადში გამოჩნდება, მანამდე კი დაგეგმილია დიზაინის ფინალიზება და ყველა საჭირო ტესტირების ჩატარება.
წყარო : autobild.ge
1
s
s
s