გუშინდელი შოკისმომგვრელი და სკანდალური განცხადებების შემდეგ ქვეყნის მოსახლეობა, მართმადიდებულური სამყარო სინოდის სხდომის ოქმის გამოქვეყნებას ელოდა. დოკუმენტის გასაჯაროვების შემდეგ ცნობილი გახდა, რომ დეკანოზ გიორგი მამალაძის შეწყალების თაობაზე საპატრიარქო საქართველოს პრეზიდენტს მიმართავს. სინოდის სხდომაზე საქართველოს კათოლიკოს პატრიარქს გვერდი არ აუვლია მეუფე იაკობის მიერ საჯაროდ გაკეთებული სკანდალური განცხადებებისთვის. ილია მეორემ სასულიერო პირებს მათი პასუხისმგებლობაც შეახსენა.
სინოდის სხდომაზე კათოლიკოს-პატრიარქმა მღვდელმთავართა პასუხისმგებლობის შესახებ ისაუბრა. ილია მეორემ, სასულიერო პირებს მიმართა, რომ ბეწვის ხიდზე უწევთ გავლა და საზოგადოებას რწმენაში დაბრკოლების საბაბი არ უნდა მისცენ.
პაატრიარქმა განაცხადა, რომ დროის სირთულიდან გამომდინარე, სინოდის კრების წელიწადში ორჯერ მოწვევა საკმარისი არ არის. უწმინდესმა, კრების ყველა სირთულისას მოწვევის საჭიროებაზე ისაუბრა. ილია მეორემ, ერთ-ერთ ასეთ პრობლემად, დეკანოზ გიორგი მამალაძის საქმე დაასახელა. წმინდა სინოდმა მამალაძის საკითხი განიხილა. სამღვდელოებაში საკითხზე, სხვადსახვა, მოსაზრებები გამოითქვა. თემაზე კრების საბოლოო განჩინება ასეთია:
წმინდა სინოდმა მთავარეპისკოპოს იაკობის მიერ, საჯაროდ გაკეთებული განცხადებებიც განიხილა. სასულიერო პირმა თავისი არაკორექტული საჯარო გამოსვლების გამო სიანული გამოხატა. მღვდელმთავარს შეუფერებელი საქციელის გამო, გაფრთხილება მიეცა, ხოლო განმეორების შემთხვევაში, მკაცრი ზომების მიღება დაიგეგმა.
სინოდის წევრებმა მიტროპოლიტ პეტრე ცაავას მიერ, პატრიარქისა და წმინდა სინოდის მიმართ, საჯაროდ გაკეთებული შეურაცხმყოფელი განცხადებების თაობაზეც იმსჯელეს. კრებაზე ითქვა, რომ ეკლესიის ისტორიაში პატრიარქის შეურაცხყოფის მსგავსი მაგალითი არ მოიძებნება. უწმიდნესის შეფასებით კი, მეუფე პეტრე გამორჩეული მღვდელმთავარი იყო და მის ამგვარ ცვლილებას სამწუხარო უწოდა.
მღვდელმთავრებმა დაუსაბუთებელი ბრალდებებისა და ცილისწამების გამო, მეუფე პეტრეს სინანულისაკენ მოუწოდეს. მიტროპოლიტმა თავი დამნაშავედ არ სცნო და მონანიების მოწოდებას არ დაეთანხმა. საკითხზე სინოდის განჩინება ასეთია:
ჭყონდიდის ეპარქიის დროებით მმართველად, მეუფე პეტრეს ნაცვლად, ეპისკოპოსი გრიგოლი დაინიშნა.
წმინდა სინოდის სხდომის ოქმის მიხედვით, ქუთაისისა და გაენათის ეპარქიაში მღვდელმთავრად მიტროპოლიტი იოანე (გამრეკელი) დაინიშნა. ხოლო, რუსთავის ეპარქია, დროებით, მცხეთა- თბილისის ეპარქიას დაექვემდებარა.