23, დეკემბერი 2019 18:10:00
ბოლო დღეების განმავლობაში ბათუმის იაშვილის სახელობის დედათა და ბავშვთა კლინიკას დღეში 90-მდე პაციენტი მიმართავს. ინფორმაციას საავადმყოფოს დირექტორი ადასტურებს. თამარ ბახტაძის თქმით, მაჩვენებელი წინა წლის ანალოგიურია და საგანგაშო მდგომარეობა არაა. მისივე თქმით, მიმართვიანობის მიზეზი, ძირითადად, გრიპი და გრიპისმაგვარი ვირუსებია. აჭარის საზოგადოებრივი ჯანდაცვის ცენტრში განმარტავენ, რომ გასული წლის ანალოგიურ პერიოდთან შედარებით ციფრი არ გაზრდილა. სპეციალისტები რეკომენდაციას ხელების ხშირ დაბანას და გრიპის საწინააღმდეგო ვაქცინაციას უწევენ.