18, თებერვალი 2020 21:58:00
საგამოძიებო მოქმედებების შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს. გამოძიებით დადგინდა, რომ ბრალდებული, საქართველოს ოკუპირებული ტერიტორიებიდან იძულებით გადაადგილებულ პირს დაუკავშირდა და მოტყუებით დაარწმუნა, რომ შესაბამისი თანხის გადახდის შემთხვევაში, საცხოვრებელი ფართის დაკანონებაში დაეხმარებოდა. აღნიშნული თაღლითური განზრახვით, ბრალდებულმა, მოქალაქეს 10 ათასი ლარი გამოართვა, რა დროსაც იგი დააკავეს. ფაქტზე გამოძიება მიმდინარეობს.