21, თებერვალი 2020 17:49:00
„ხელმისაწვდომი საცხოვრისის“ პროგრამაში მონაწილეობის მსურველებისთვის განაცხადების მიღება ორ მარტს დაიწყება. დოკუმენტაცია მერიის სერვისცენტრებში უნდა წარადგინონ დაინტერესებულებმა. მათ მოეთხოვებათ ბათუმში რეგისტრაციის ცნობა, სადაც ასევე მითითებული იქნება თარიღი, მიმდინარე საცხოვრებლის ქირავნობის ხელშეკრულება. განსაზღვრულია კრიტერიუმებიც, თუ ვის შეუძლია პროგრამაში მონაწილეობა. ის დამოკიდებულია ოჯახის სტაბილურ შემოსავალზე სულადობის მიხედვით, არ უნდა გააჩნდეს საცხოვრებლად ვარგისი ბინა, მიწა ან კომერციული ფართი, ოჯახი არ უნდა იყოს სოცილურად დაუცველი. განაცხადების მიღება 29 მაისს დასრულდება. პროექტი 15 წლის ვადაში ბინის თვითღირებულების ქირის სახით დაფარვას გულისხმობს საბოლოო გამოსყიდვის უფლებით.