ბოლნისის შემდეგ საყოველთაო კანატრინი ქვეყნის მასტაბით ამოქმედდება. გადაწყვეტილება ძალაში ხვალ დილის 8 საათიდან შევა. ცხადდება კომენდანტის საათიც.შეზღუდვის შესახებ პრემიერ მინისტრმა დღეს ისაუბრა. რას ივალისწინებს ზომების გამკაცრება? ვნახოთ სიუჟეტი
საღამოს 9 საათიდან იკრძალება როგორც ქვეითად, ისე – სატრანსპორტო საშუალებით ქალაქებში და ქვეყნის მასშტაბით გადაადგილება დილის 6 საათამდე - ანუ ცხადდება კომნედანტის საათი. საყოველთაო კარანტინი ხვალ დილის 08:00 საათიდან დაიწყება. იგი რამდენიმე აკრძალვას აწესებს. ერთ-ერთი პირველი საზოგადოებრივი ტრანსპორტით, გადაადგილების უფლების შეზღუდვაა. სრულად იკრძალება ნებისმიერი ტიპის საზოგადოებრივი ტრანსპორტით, მათ შორის მეტროთი გადაადგილება, როგორც მუნიციპალიტეტებს შიგნით, ისე ქალაქებს შორის.
კარანტინი არ კრძალავს მგზავრობას მსუბუქი ავტომობილებით, მათ შორის ტაქსებით, თუმცა იმ შემთხვევაში, თუ კი მგზავრთა რაოდენობა არ იქნება სამზე მეტი და ამთგან ორი მგზავრი მოთავსებული იქნება ავტომანქანის უკანა სავარძელზე.
მგზავრთა გადაყვანა ასევე დასაშვებია მხოლოდ სტრატეგიული მნიშვნელობის ობიექტების თანამშრომელთა ორგანიზებულად და უსაფრთხოდ გადაყვანის მიზნით.
იკრძალება სამზე მეტი პირის თავშეყრა, გარდა სასურსათო მაღაზიებისა და აფთიაქისა, სადაც სავალდებულოა დაცული იყოს ორი მეტრიანი დისტანცია.
ის საწარმოებისთვის, რომლებში მუშაობაც მთავრობის მიერ ადამიანებს ამ ეტაპზე აკრძალული არ აქვთ, გაიწერება ცალკე პროტოკოლები.
აკრძალა 70 წელს ზემოთ მყოფი მოქალაქეების სახლიდან გასვლა გარდა გამონაკლისი შემთხვევებისა, თუ კი პირი მიდის უახლოეს სასურსათო მაღაზიაში, უახლოეს აფთიაქში ან უახლოეს სამედიცინო დაწესებულებაში. 70 წელს გადაცილებულ მარტოხელა მოქალაქეებზე დახმარების ვალდებულება აქვს ეკონომიკისა და ჯანდაცვის სამინისტროებს, აგრეთვე, ადგილობრივ მუნიციპალიტეტებს.
პრემიერის განცხადებით, პირთა გადაადგილების კონტროლის, მათი ჯანმრთელობის მდგომარეობის შემოწმების და საგანგებო მდგომარეობის გამკაცრებული პირობების შესრულების მიზნით, ასევე პირველადი თერმოსკრინინგის მიზნით მოეწყობა საკონტროლო პუნქტები – ქ. თბილისში, ქ. ბათუმში, ქ. ქუთაისში, ქ. რუსთავში, ქ. ფოთში, ქ. ზუგდიდსა და ქ. გორში. ამ ღონისძიებებს განახორციელებენ შინაგან საქმეთა და თავდაცვის სამინისტროს შესაბამისი უწყებები.
მოქმედებს კიდევ ერთი მნიშვნელოვანი პირობა - ნებისმიერ მოქალაქეს, ნებისმიერ დროს ქალაქში გადაადგილებისას თან უნდა ჰქონდეს პირადობის დამადასტურებელი დოკუმენტი.
36
s
s
s