01, აპრილი 2020 17:36:00
უკუდურესად გაჭირვებული ოჯახი დახმარებას ითხოვს. შარაშიძის ქუჩის 65 ნომერში მცხოვრები დარიკო თურმანიძე საზოგადოებას მიმართავს. ამბობს, რომ კორონავირუსის გავრცელების ფონზე 12 წევრიანი ოჯახი მძიმე მდგომარეობაში აღმოჩნდა. არც ერთი მათგანი არ მუშაობს და თავს მხოლოდ სოციალური დახმარებით ირჩენენ. ჯანმრთელობის პრობლემები აქვს 4 მათგანს, მიუხედავად სახელწმიფო პროგრამაში მონაწილეობისა, მათთვის მიღებული მედიკამენტები არასაკმარისია. არასაკმარისი აღმოჩნდა მთავრობის მიერ გუშინ , ერთჯერადად გადაცემული დახმარებაც, როგორც თურმანიძემ მაცნესთან საუბრისას თქვა. ოჯახში 6 ბავშვია, 3 წევრს კი შესაძლებლობები შეზღუდული აქვს. 61 წლის ქალს მოქალაქეების გულისხმიერების იმედი აქვს და ჩვენი მეშვეობით გიტოვებთ ტელეფონის ნომერს, დახმარების სურვილის შემთხვევაში: 557 42 00 32.