07, აპრილი 2020 17:39:00
ერთი კოვზით ზიარება ინფიცირების წყარო ვერ იქნება - ამის შესახებ ბათუმისა და ლაზეთის მიტროპოლიტმა დღეს, ხარების დღესასწაულზე, ბათუმის ღვთისმშობლის შობის საკათედრო ტაძარში ქადაგებისას განაცხადა. მეუფე დიმიტრის თქმით, ამ განსაცდელის ჟამს აუცილებელია რწმენა ღვთისა, რომელიც არის გადამრჩენელი მძიმე ცხოვრებაში საღმრთო ზიარებით. „არ შეიძლება საღმრთო ზიარება იყოს დამაინფიცირებელი, რამე თუ 2 ათასი წელია ზიარების დროს ჩვენ ვეუბნებით მორწმუნეებს საკურნებლად სულისა და ხორცისა. როგორ შეიძლება საკურნებელმა სულისა და ხორცისამ დაგასნეულოს'' - თქვა ქადაგებისას მეუფე დიმიტრიმ. მართლმადიდებელი ეკლესია დღეს ყოვლადწმინდა ღვთისმშობლის ხარების დღესასწაულს აღნიშნავს. ქრისტოლოგიაში ეს დღე კაცობრიობის ხსნის დასაწყისად ითვლება.