07, აპრილი 2020 17:42:00
კორონავირუსი დაუდგინდა მომღერალ აჩიკო გოგიტიძეს. ინფიცირებულმა ვირუსი ფაქტიურად ისე დაამარცხა, რომ გამოხატული სიმპტომები არ ჰქონია. კოვიდ19-ზე შემოწმება დაჟინებული მოთხოვნის შემდეგ გაიარა. როგორც სოციალურ ქსელში გამოქვეყნებულ სტატუსში წერია, იგი ათი დღის განმავლობაში ითხოვდა ტესტის ჩატარებას, რადგან რისკის ზონაში მოგზაურობის ისტორია ჰქონდა. როგორც თვითონ წერს, იმისათვის, რომ ტესტი გაეკეთებინა, აჭარის ჯანდაცვის მინისტრთან პირდაპირი კომუნიკაცია მოუწია. სავარაუდოდ, ვირუსი სიმპტომების გარეშე, მაღალი იმუნიტეტის წყალობით გადაიტანა. მომღერალი კი ამჟამად ორგანიზმიდან ინფექციის სრულად გამოდევნას ელოდება. ციტაცა განცხადებიდან: "ჩემო უსაყვარლესებო მომივიდა დადებითი პასუხი ლუგარის ცენტრიდან, ფეხზე მაქ გადატანილი ვირუსი, სიმღერაში, სიცილში და სიყვარულში! მე აბა კი ვარ გადასარევად! ყველაზე მთავარმა ჩაიარა, ჩემი იმუნიტეტის წყალობით! ეხლა მხოლოდ რაც დარჩენილი მაქვს ბოლომდე გამივიდეს ინფექცია და სრულიად ჯანმრთელი დავუბრუნდები ოჯახს!“