ტესტის მიზანია, ერთხელ კიდევ ჩაგაფიქროთ მშობლის ძირითად როლზე ბავშვის სწავლა-აღზრდის საქმეში. იმედია, ეს დაგეხმარებათ თქვენი შვილის პიროვნების სწორად ჩამოყალიბებაში:
უპასუხეთ კითხვებს და დაითვალეთ ქულები:
შემიძლია და ყოველთვის ასე ვიქცევი - 3 ქულა
შემიძლია და ყოველთვის ასე არ ვიქცევი - 2 ქულა
არ შემიძლია - 1 ქულა
შეგიძლიათ თუ არა, რომ:
1. ნებისმიერ დროს თავი დაანებოთ საქმეს და ბავშვს მიუჯდეთ?
2. მოეთათბიროთ და რჩევა ჰკითხოთ ბავშვს მისი ასაკის მიუხედავად?
3. აღიაროთ ბავშვთან, რომ მის წინაშე არასწორად მოიქეცით?
4. ბოდიში მოუხადოთ, თუ უსამართლოდ მოეპყარით?
5. თავშეკავება გამოიჩინოთ, თუნდაც ბავშვის საქციელმა მოთმინება დაგაკარგვინოთ?
6. საკუთარი თავი წარმოიდგინოთ ბავშვის ადგილზე?
7. წუთით მაინც წარმოიდგინოთ, რომ ზღაპრული უფლისწული ან კეთილი ფერია ხართ?
8. უამბოთ ბავშვს საკუთარი ბავშვობიდან რაიმე ჭკუის სასწავლებელი შემთხვევა, რომელშიც მთლად კარგად ვერ გამოიყურებით?
9. ყოველთვის შეიკავოთ თავი ისეთი სიტყვების წარმოთქმისაგან, რომლებსაც შეუძლიათ, ბავშვს გული ატკინოს?
10. დაჰპირდეთ ბავშვს, (თუ კარგად მოიქცევი, ამას და ამას შეგისრულებო) და დანაპირები აუცილებლად შეუსრულო?
11. ხვეწნა-მუდარისა და ტირილის მიუხედავად არ აუსრულოთ ბავშვს თხოვნა, თუკი დარწმუნებული ხართ, რომ ეს ჭირვეულობა და წუთიერი ახირებაა?
12. გამოუყოთ ბავშვს ერთი დღე, როცა მას შეეძლება აკეთოს ის, რაც გაუხარდება, მოიქცეს ისე, როგორც მოესურვება და არაფერში ჩაერთოთ?
ტესტის გასაღები:
1. თუ თქვენ 27 ქულიდან 36 ქულამდე მოაგროვეთ, ეს ნიშნავს, რომ ბავშვი თქვენთვის ყველაზე ძვირფასია ცხოვრებაში. ცდილობთ, არა მარტო გაუგოთ მას, არამედ შეიცნოთ კიდეც. პატივისცემით ეპყრობით, ცდილობთ, მუდამ თანამიმდევრული იყოთ, ერთ ხაზს მისდევთ.ერთი სიტყვით. თქვენ სწორად იქცევით და იმედი უნდა იქონიოთ, რომ კარგ შედეგსაც მიაღწევთ.
2. 13-დან 27-მდე ქულის დაგროვება ნიშნავს, რომ ბავშვისთვის ზრუნვა თქვენთვის უპირველესი ამოცანაა. გაქვთ აღმზრდელის ნიჭი, მაგრამ მიზანდასახულად და თანამიმდევრულად ამ უნარს ვერ იყენებთ. ხან ზედმეტად მკაცრი ხართ, ხან კი ზედმეტად რბილი.
3. 13 ქულაზე ნაკლები თუ მოაგროვეთ, ეს იმას მოწმობს, რომ ბავშვის აღზრდის საქმეში დიდი ხარვეზები გაქვთ ან საიმისო ცოდნა გაკლიათ. გირჩევთ, მიაკითხოთ ფსიქოლოგს.
1
s
s
s