25, თებერვალი 2021 21:10:00
თანხის გადახდის შემთხვევაში, პროკურატურა სასამართლოს ნიკა მელიას პატიმრობის გირაოთი შეცვლის მოთხოვნით მიმართავს - ეს განცხადება დღეს პროკურორმა გააკეთა. მელიას ადვოკატები კი დავის გაგრძელებას საერთაშორისო სასამართლოში აპირებენ. გადაწყვეტილება მას შემდეგ მიიღეს, რაც მათი საჩივარი, სააპელაციო სასამართლომ დაუშვებლად სცნო. ადვოკატები პირველი ინსტანციის გადაწყვეტილების გაუქმებას ითხოვდნენ, რომლითაც მელიას აღკვეთის ღონისძიებად პატიმრობა შეეფარდა.