26, თებერვალი 2021 17:02:00
პროკურატურა, ვახტანგ სანაიას და მისი ოჯახის წევრებზე განხორციელებულ თავდასხმაში ბრალდებულების მიმართ პატიმრობას ითხოვს. საქალაქო სასამართლო, აღკვეთის ღონისძიების გამოყენების საკითხზე, მომდევნო 24 საათის განმავლობაში იმსჯელებს. ჟურნალისტის მიმართ, პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით, მუქარის ფაქტზე, სამი პირია დაკავებული. ბრალს, არცერთი მათგანი აღიარებს. როგორც ორი ბრალდებულის ადვოკატი, დავით ჩიხრაძე აცხადებს, მისი დაცვის ქვეშ მყოფები, ინციდენტში არ მონაწილეობდნენ და ერთმანეთს მხოლოდ ვახო სანაია და მესამე ბრალდებული დაუპირისპირდნენ.