16, მარტი 2021 10:47:00
სურსათის ეროვნული სააგენტოს ზედამხედველობით, 2020 წელს 71 ათას 153 ცალი კვერცხი განადგურდა, რაც 118%-ით მეტია 2019 წელთან შედარებით. 2019 წელს ეს მაჩვენებელი 32 ათას 632 ერთეულს შეადგენდა.
რაც შეეხება სხვა პროდუქტებს, სურსათის უვნებლობის სააგენტოს ცნობით, 2020 წელს 54 ათას 937კგ ხორცი და ხორცპროდუქტები განადგურდა, რაც 34,2%-ით მეტია წინა წლის მაჩვენებლთან შედარებით. 2019 წელს 40 ათას 936 კილოგრამი ხორცი და ხორცპროდუქტები განადგურდა.
გასულ წელს განადგურებული სხვა მყარი სურსათის მოცულობა 11 ათას 734 კგ იყო. ეს მაშინ, როდესაც, 2019 წელს 4 ათას 746 კილოგრამს შეადგენდა. ხოლო, განადგურებული თხევადი სურსათის მოცულობა 2020 წელს ათას 960 ლიტრი იყო, ხოლო 2019 წელს - ათას 513 ლიტრი.