ჩვენი ახლობლები, მეგობრები, ნათესავები კორონავირუსით იღუპებიან. ჩვენი ქორწილები და ქელეხები მსხვერპლშეწირვას ემსგავსება, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ უწყებათაშორისი საკოორდინაციო საბჭოს სხდომის დასრულების შემდეგ განაცადა.
პაატა იმნაძის თქმით, სიტუაცია საკმაოდ დაძაბულია და ერთადერთი გამოსავალი, არსებული რეგულაციების დაცვაა.
ბევრჯერ მაქვს ნათქვამი, არიან ადამიანები, ვინც სხვის შეცდომებზე სწავლობენ, დიდი იმედი მაქვს საკუთარ შეცდომებზე მაინც ვისწავლით. იღუპებიან ჩვენი ახლობლები, მეგობრები, ნათესავები. ჩვენი ქორწილები და ქელეხები მსხვერპლშეწირვას ემსგავსება. მე სამწუხაროდ, კონკრეტული მაგალითებიც შემიძლია გითხრათ, უბრალოდ, ვერ დავასახელებ, იმიტომ, რომ ეს იქნება გარკვეული პირადი ინფორმაცია. ახლახანს მოხდა, ერთ-ერთ რაიონში. ნამდვილად არ ვიცი ხელისუფლების მომხრე თუ მოწინააღმდეგე იყო ის ადამიანი ვინც დაიღუპა, მე ის ვიცი, რომ ქელეხი, ქორწილი მოაწყვეს და შემდეგ ადამიანები დაიღუპნენ“,- განაცხადა იმნაძემ.
მისივე თქმით, რეგულაციებს მოსახლეობის საკმაოდ დიდი ნაწილი არ იცავს.
2
s
s
s