20, ივლისი 2021 17:30:00
„ჩვენი ქვეყანა დაკეტვას ვეღარ გაუძლებს“ - ასე გამოეხმაურა პრემიერ-მინისტრი საქართველოში შექმნილ ეპიდვითარებას. ირაკლი ღარიბაშვილის განმარტებით, რეგულაციების კვლავ გამკაცრება გაუსაძლის მდგომარეობას შექმნის. მთავრობის მეთაურის თქმით, შეზღუდვების დაწესების შემთხვევაში, ქვეყანას, დამატებითი ვალის აღება დასჭირდება, რაც საბოლოოდ, საქართველოსთვის მძიმე ტვირთი იქნება. ღარიბაშვილმა, მოქალაქეებს, ვაქცინაციის პროცესში ჩართვისკენ კიდევ ერთხელ მოუწოდა. მისივე განმარტებით, ქვეყანას, კოვიდ საწინააღმდეგო აცრის საჭიროზე მეტი დოზა აქვს.