28, ივლისი 2021 17:39:00
ბათუმის მერიამ სტიქიის შედეგების სალიკვიდაციო სამუშაოების შესახებ იმსჯელა. უწყების ინფორმაციით, მოქალაქეების მხრიდან ცხელ ხაზზე 150-ზე მეტი ზარი შევიდა. რამდენიმე ტერიტორიაზე განვითარდა მეწყრული პროცესები. დაფიქსირდა ხის წაქცევის შემთხვევებიც. მერიის ცნობით, მიმდინარეობს ზარალის აღწერა და შესაბამისი სამუშაოებიც დაწყებულია. უკვე ხორციელდება ქვაფენილიანი ქუჩების აღდგენითი ღონისძიებები.