13, აგვისტო 2021 14:34:00
„არ გადაიხადოთ ქორწილები და ქელეხები“ - ამ განცხადებას ის პრემიერ-მინისტრი აკეთებს, რომელიც 1 კვირის წინ თავადაც ქეიფობდა. ირაკლი ღარიბაშვილმა მოსახლეობას მიმართა, რომ მსგავსი ღონისძიებების გამართვისგან თავი შეიკავონ. მთავრობის მეთაურმა მოქალაქეები შესაძლო რისკებზე გააფრთხილა და აღნიშნა, რომ ხალხმრავალი შეკრებები ეპიდვითარების გაუარესების საწინდარია.
"მინდა მოსახლეობას მივმართო, ეს პერიოდი, 2-3 თვე გავიჭირვოთ და ეს ქორწილები და ქელეხები არ გადავიხადოთ, ეს არის მთავარი ბუსტერი", - თქვა ღარიბაშვილმა.
არადა, ერთი კვირის წინ, ღარიბაშვილს თავადაც უკვირდა, რატომ იყო ქეიფი დანაშაული.
"მერე რა, რომ ვქეიფობდი, დანაშაულია ქეიფი?" - ასე უპასუხა პრემიერმა ქეიფიდან მეორე დღეს ამ საკითხზე დასმულ კითხვას.