01, სექტემბერი 2021 11:07:00
ISFED-მა შუალედური ანგარიში წარადგინა. "სამართლიანი არჩევნებისა და დემოკრატიის საერთაშორისო საზოგადოების” ინფორმაციით, წინასაარჩევნო პერიოდის მონიტორინგისას, 40-ზე მეტი სხვადასხვა სახის დარღვევა გამოვლინდა.
შუალედური ანგარიშის მიხედვით, დაფიქსირებულია:
1. სამსახურიდან სავარაუდოდ პოლიტიკური ნიშნით გათავისუფლების/წასვლის იძულების 15 ფაქტი;
2. პოლიტიკური ნიშნით ზეწოლის/მუქარის/ხელის შეშლის - 11 ფაქტი;
3. ადმინისტრაციული რესურსის სავარაუდო გამოყენების - 13 ფაქტი;
4. სოციალური ქსელით აგიტაციის - 6 ფაქტი;
5. ამომრჩევლის სავარაუდო მოსყიდვის - 4 ფაქტი;
5. მოქმედი თანამდებობის პირების კამპანიის - 8 ფაქტი.
ISFED-ის ცნობით, ასევე გამოვლინდა მმართველი პარტიის მიერ, „სამართლიანი არჩევნების“ წარმომადგენლებისთვის დაკვირვებაში ხელშეშლის ტენდენცია მთელი საქართველოს მასშტაბით. ასევე, გამოიკვეთა, საგანმანათლებლო დაწესებულებაში დასაქმებული პირების „ქართული ოცნების“ კამპანიაში ჩართვის პირაპირ ან/და ირიბად იძულების შემთხვევები.
ანგარიშის მიხედვით, მონიტორინგის პერიოდში დაკომპლექტდა საოლქო და საუბნო საარჩევნო კომისიები.